“எந்த ஒரு தாய்- தந்தைக்கும் இதுபோன்ற ஒரு நிலைமை வரக்கூடாது”- மனம் வருந்திய நடிகை பிபாஷா பாசு |Bipasha Basu reveals her baby health issues

44 வயதான இவர் பாலிவுட் நடிகர் கரண் சிங் குரோவரைக் காதலித்து கடந்த 2016 ஆம் ஆண்டு திருமணம் செய்து கொண்டார். திருமணமாகி ஆறு ஆண்டுகள் குழந்தை இல்லாமல் இருந்த பிபாஷா பாசுவுக்கு கடந்த வருடம்தான் பெண் குழந்தை பிறந்தது. 

இந்நிலையில் தாய்மை பயணம் குறித்து சமீபத்தில் பகிர்ந்த பிபாஷா பாசு, பிறக்குப்போதே அவரது குழந்தைக்கு இதயப்பிரச்சனை இருந்தது குறித்து மனம் வருந்தி தெரிவித்திருக்கிறார். இதுகுறித்து பேசிய பிபாஷா பாசு, “ எங்கள் குழந்தைக்கு பிறக்கும்போதே இதயத்தில் இரண்டு துளைகள் இருந்தன. பிறந்து மூன்றாவது நாளில் இதனை நாங்கள் அறிந்தோம். மிகவும் கடினமான காலத்தைக் கடந்தோம். குடும்பத்தில் யாரிடமும் இதைப் பற்றி விவாதிக்கவில்லை. எனக்கும்  கரணுக்கும் ஐந்து மாதங்கள் மிகவும் கடினமாக இருந்தது.