Cannes 2023: `நீங்கள் அளித்த மரியாதைக்கு நன்றி’- கேன்ஸ் திரைப்பட விழாவில் நெகிழ்ந்த ஹாரிசன் ஃபோர்ட்|Harrison Ford gets teary-eyed as Indiana Jones and the Dial of Destiny receives 5

இந்த கேன்ஸ் திரைப்பட விழாவில் பல்வேறு படங்கள் திரையிடப்படும் அந்தவகையில் நேற்று ஹாரிசன் ஃபோர்ட் நடித்த “இண்டியானா ஜோன்ஸ் அண்ட் தி டயல் ஆப் டெஸ்டினி’ படத்தின் சிறப்பு திரையிடல் நடைபெற்றது. 1981ல் ஸ்டீவன் ஸ்பீல்பெர்க் இயக்கத்தில் ஹாரிசன் ஃபோர்ட் நடிப்பில் வெளியான படம் இண்டியானா ஜோன்ஸ். உலகம் முழுவதும் புகழ்பெற்ற இந்தப் படத்தொடரில் 2008 வரை மொத்தம் 4 பாகங்கள் வெளியாகியுள்ளன.

இந்த நான்கு பாகங்களையுமே ஸ்டீவன் ஸ்பீல்பெர்க்தான் இயக்கியிருந்தார். ஆனால் இண்டியானா ஜோன்ஸின் 5வது பாகத்தை ‘லோகன்’ மற்றும் ‘ஃபோர்ட் vs ஃபெராரி’ புகழ் ஜேம்ஸ் மேன்கோல்டு இயக்கியிருக்கிறார். ஜூன் 30, 2023 அன்று ஆங்கிலம், இந்தி, தமிழ் மற்றும் தெலுங்கு ஆகியமொழிகளில் திரையரங்குகளில் வெளியாகவுள்ளது. இதுதான் கடைசி பாகம் என்றும் தெரிவித்திருக்கின்றனர்.