“நிர்வாணக் காட்சியில் நடித்ததால் என் மகனைப் பிரிந்தேன்” – கலங்கிய நடிகை ஷரோன் ஸ்டோன்| Sharon Stone says she lost custody of her son because of scene in Basic Instinct

இதுபற்றி பேசியுள்ள அவர், “ `Basic Instinct’ படத்தில் சில நொடிகள் மட்டுமே நான் நிர்வாணமாக இருக்கும் காட்சிகள் தோன்றும். இப்போதெல்லாம் மக்கள் சாதாரணமாக தொலைக்காட்சி நிகழ்ச்சிகளில்கூட அரை நிர்வாணமாக அல்லது முழு நிர்வாணமாக நடிக்கிறார்கள். அப்படத்தில் வெறும் 16 நொடிகள் மட்டுமே நான் நிர்வணமாக இருக்கும் காட்சி தோன்றும். அதனால் என் வாழ்நாள் முழுவதும் நான் என் மகனிடமிருந்து பிரிந்து வாழும் நிலைக்கு ஆளானேன். என் கணவர் என்னிடம் விவாகரத்துக் கேட்டு நீதி மன்றத்தில் வழக்கு நடந்தது, அப்போது நீதிபதி என் மகனிடம் ‘உன் அம்மா நிர்வாணமாக நடிப்பது உனக்குத் தெரியுமா?, என்று கேட்டார். அத்தருணத்தில் என் மனம் சுக்கு நூறாக உடைந்து போய்விட்டது. அதன்பின் நான் என் மகனை பிரிந்துவிட்டேன். என் மகனை என்னால் வளர்க்க முடியாமல் போனது. இப்போது அவனுக்கு 22 வயதாகிவிட்டது” என்று உணர்ச்சி வசத்துடன் பேசினார்.