`மகளுடன் அதிக நேரத்தை செலவிடப்போகிறேன்!’ நடிப்புக்கு தற்காலிகமாக பிரேக் கொடுக்கும் ரன்பீர் கபூர் |Actor Ranbir Kapoor has decided to take a temporary break from acting

அவர் தன் மகள் மீது மிகுந்த ஈடுபாட்டுடன் இருக்கிறார். எனவே மகளுடன் அதிகமான நேரத்தை செலவிட முடிவு செய்துள்ளார். இதற்காக நடிப்புக்குத் தற்காலிகமாக பிரேக் கொடுக்க முடிவு செய்துள்ளார். இது தொடர்பாக அவர் அளித்துள்ள பேட்டியில், பணத்துக்காக எந்த படத்திலும் நடிக்க விரும்பவில்லை.

தற்போது நடித்து வரும் அனிமல் படத்திற்கு பிறகு நடிப்புக்குத் தற்காலிகமாக பிரேக் கொடுக்கலாம் என்று இருக்கிறேன். இப்போதுதான் தந்தையாகி இருக்கிறேன். எனவே இந்த பிரேக் எனக்கு மகிழ்ச்சியைக் கொடுக்கிறது. பிரேக் நேரத்தில் எனது மகளுடன் அதிக நேரத்தை செலவிட விரும்புகிறேன். எனக்கு விருப்பம் இல்லாவிட்டால் பணத்திற்காக மட்டும் படங்களில் நடிக்கும் நடிகராக இருக்கமாட்டேன். நான் திரைப்படத்துறைக்கு வந்து 16 வருடங்கள் ஆகிவிட்டன. இதில் உத்வேகத்துடனும், அன்புடனும் பணியாற்ற விரும்புகிறேன். பிரமாஸ்திரா 2 மற்றும் 3 பண்ண இருக்கிறோம்.