A R Ameen: ஆடிப்போய்ட்டோம்.. அதிர்ச்சியில.. விபத்தில் தப்பிய மகன்.. ஏ.ஆர் ரஹ்மானின் பரபரப்பு பதிவு

<p>பாடல் படப்பிடிப்பின்போது இசையமைப்பாளர் ஏ.ஆர்.ரஹ்மானின் மகன் ஏ.ஆர்.அமீன் விபத்தில் இருந்து தப்பிய நிலையில், ஷூட்டிங் தளங்களில் மேம்பட்ட, தரமான பாதுகாப்பு வழிமுறைகளைப் பின்பற்ற வலியுறுத்தி ஏ.ஆர். ரஹ்மான் அறிக்கை வெளியிட்டுள்ளார்.</p>
<p>இந்தியாவின் பிரபல மற்றும் முன்னணி இசையமைப்பாளர்களுள் ஒருவரான ஏ.ஆர்.ரஹ்மானின் மகன் பாடகர் ஏ.ஆர்.அமீன். &nbsp;</p>
<p>தன் குழந்தைப்பருவத்திலேயே தன் அப்பாவின் இசையில் பாடகராக அறிமுகமான ஏ.ஆர்.அமீன், சென்ற 2015ஆம் ஆண்டு வெளியான ஓகே கண்மணி படத்தின் பாடலான &lsquo;மௌலா வா சல்லிம&rsquo; பாடல் மூலம் பெரும் ரசிகர் பட்டாளத்தைப் பெற்றார்.</p>
<p>அதன் பின், தொடர்ந்து தன் தந்தை ரஹ்மானின் இசையில் பாடி வரும் அமீன், இசையமைப்பாளர் யுவன் சங்கர் ராஜாவின் இசையிலும் முன்னதாகப் பாடியுள்ளார். மேலும் தனி இசைப்பாடல்களிலும் கவனம் செலுத்தி வருகிறார்.</p>
<p>இந்நிலையில் ஷூட்டிங் தளத்தில் நேரவிருந்த பெரும் விபத்து ஒன்றிலிருந்து தான் நூலிழையில் உயிர் தப்பியதாக நேற்று அமீன் பகிர்ந்த பதிவு இணையத்தில் வைரலானது.</p>
<p>தனது பாடலின் ஷூட்டிங்குக்காக சென்றிருந்த நிலையில், அங்கு அமைக்கப்பட்டிருந்த செட்டும் அலங்கார விளக்குகளும் திடீரென அறுந்து விழுந்து விபத்து நிழ்ந்ததாக அமீன் அச்சத்துடன் பகிர்ந்திருந்தார்.</p>
<p>அமீனுக்கு முன்னதாக அவரது இணைய பக்கத்தில் நண்பர்கள், ரசிகர்கள் உள்ளிட்ட பலரும் ஆறுதல் தெரிவித்து வந்த நிலையில், இது குறித்து ஏ.ஆர். ரஹ்மான் அறிக்கை ஒன்றை வெளியிட்டுள்ளார்.</p>
<p>&nbsp;அதில்"சில நாட்களுக்கு முன்பு எனது மகன் அமீன் மற்றும் அவரது ஸ்டைலிங் குழுவினர் ஒரு அபாயகரமான பேரழிவிலிருந்து தப்பினர். மும்பையில் உள்ள ஃபிலிம் சிட்டியில் இந்த விபத்து நிகழ்ந்த நிலையில், நல்வாய்ப்பாக விபத்துக்குப் பிறகு எந்தக் காயமும் ஏற்படவில்லை.</p>
<p>நமது தொழில்துறை வளரும்போது ​​இந்தியாவில் உள்ள ஷூட்டிங் தளங்கள், செட்கள் உலகத்தரம் வாய்ந்த பாதுகாப்புத் தரத்தை நோக்கி நகர்த்த வேண்டும். நாங்கள் அனைவரும் மிகவும் அதிர்ச்சியடைந்து, இன்சூரன்ஸ் நிறுவனம் மற்றும் குட்ஃபெல்லாஸ் ஸ்டுடியோஸ் தயாரிப்பு நிறுவனத்தின் விசாரணையின் முடிவுகளுக்காகக் காத்திருக்கிறோம்&rdquo; என ஏ.ஆர்.ரஹ்மான் குறிப்பிட்டுள்ளார்.&nbsp;</p>
<p>நேற்று விபத்தில் இருந்து தப்பியது குறித்த பகிர்ந்திருந்த அமீன், &rdquo;கேமரா முன் நடிப்பதில் கவனம் செலுத்தியபோது, ​​​​பாதுகாப்பு ஏற்பாடுகளை குழு கவனித்துக்கொண்டிருக்கும் என்று நான் நம்பினேன். அப்போது நான் நடுவில் இருந்தபோது கிரேனில் நிறுத்தி வைக்கப்பட்டிருந்த செட், சரவிளக்குகள் கீழே விழுந்தன.&nbsp; சில அங்குலங்கள்… சில வினாடிகளில் மேடை செட் எங்கள் தலையிலேயே விழுந்திருக்கும். நானும் எனது குழுவினரும் அதிர்ச்சியிலிருந்து இன்னும் மீள முடியவில்லை&rdquo; என தன் இன்ஸ்டாகிராம் பக்கத்தில் பதிவிட்டிருந்தார்.</p>
<p><strong>மேலும் படிக்க: <a title="LEO Update: லியோ ஷுட்டிங்கில் ‘பிக் டாடி&rsquo;.. விஷூவல் ட்ரீட் இருக்கு…! விஜய் ரசிகர்களை உற்சாகப்படுத்திய ஒளிப்பதிவாளர்..!" href="https://tamil.abplive.com/entertainment/leo-movie-shooting-spot-v-raptor-red-8k-resolution-camera-being-used-in-vijay-movie-shooting-video-goes-viral-105002" target="_blank" rel="dofollow noopener">LEO Update: லியோ ஷுட்டிங்கில் ‘பிக் டாடி&rsquo;.. விஷூவல் ட்ரீட் இருக்கு…! விஜய் ரசிகர்களை உற்சாகப்படுத்திய ஒளிப்பதிவாளர்..!</a></strong></p>
<p><strong><a title="" href="https://tamil.abplive.com/entertainment/baakkyalakshmi-gopi-actor-sathish-is-to-quit-the-serial-details-104910" target="_blank" rel="dofollow noopener">"என் காட்சி குறையும்… ரெஸ்ட் வேணும்… வயசாகிடுச்சு…" வீடியோ பகிர்ந்த பாக்கியலட்சுமி கோபி… கவலையில் ரசிகர்கள்!</a></strong></p>

Source link