Baakkyalakshmi Gopi Actor Sathish Is To Quit The Serial Details

வயதானவர்கள் தொடங்கி 2K கிட்ஸ் வரை அனைத்து தரப்பு ரசிகர்கள், நெட்டிசன்ஸ் என பேராதரவு பெற்ற கடந்த 3 ஆண்டுகளுக்கும் மேலாக வெற்றிகரமாக ஓடிக்கொண்டிருக்கும் தொடர் விஜய் டிவியில் ஒளிபரப்பாகி வரும் ‘பாக்கியலட்சுமி’ 

பாக்கியலட்சுமியாக இந்தத் தொடரில் சுசித்ராவும், கோபியாக நடிகர் சதீஷூம், ராதிகா எனும் கதாபாத்திரத்தில் நடிகை ரேஷ்மாவும் இந்தத் தொடரில் நடித்து வருகின்றனர்.

இதில் 2 பெண்களை ஏமாற்றும் வில்லன் கணவனான கோபி கதாபாத்திரத்தில் நடித்து சதீஷ் லைக்ஸ் அள்ளி வருகிறார். ஒரு பக்கம் இவரை ரசிகர்கள் கண்டபடி திட்டினாலும், மற்றொருபுறம் சதீஷின் நடிப்புத் திறமையை புகழ்ந்துகொண்டு சீரியல் பார்த்தபடி தொடர்ந்து டிஆர்பி ரேட்டிங்கை  எக்கச்சக்கமாக மக்கள் எகிற வைத்து வருகின்றனர்.

பாக்கியலட்சுமி சீரியலில் பழனிசாமி எனும் கதாபாத்திரத்தில் நடிகர் ரஞ்சித் எண்டிரி கொடுத்துள்ள நிலையில் பாக்கியலட்சுமி சீரியல் வரும் காலத்தில் இன்னும் சூடு பிடிக்கும் என எதிர்பார்க்கப்படுகிறது.

இந்நிலையில், விரைவில் பாக்கியலட்சுமி சீரியலை விட்டு சதீஷ் விலகுவதாக கடந்த சில நாள்களாக தகவல்கள் பரவி வருகின்றன.

முன்னதாக தன் சமூக வலைதளப் பக்கத்தில் சதீஷ் பகிர்ந்த வீடியோவில், “சம்மர் கட் பண்ணியிருக்கேன், ப்ரோமோ பாத்திருப்பீங்க. ரஞ்சித் சார் எண்ட்ரி ஆகறாரு. எங்களுக்கு கொடுக்கற அதே ஆதரவ அவருக்கும் கொடுங்க.. இன்னும் பாக்கியலட்சுமிக்கு முன்ன விட நிறைய பாராட்டுகள நீங்க தரணும். என்னுடைய கோபி கதாபாத்திரம் கொஞ்சம் குறைய நிறைய வாய்ப்பிருக்கு. கிட்டத்தட்ட 800 எபிசோட்கள் வரப்போகுது. நான் கொஞ்சம் ஓய்வெடுக்கணும். வயசாகிடுச்சு” என சதீஷ் பேசியுள்ளார்.

#Baakiyalakshmi -ல் இனி #Gopi க்கு காட்சிகள் குறையும் – Sathish pic.twitter.com/haVJu62fYJ

— Parthiban A (@ParthibanAPN) March 3, 2023

சதீஷின் இந்த வீடியோ அவரது ரசிகர்களையும் பாக்கியலட்சுமி தொடர்  ரசிகர்களையும் கவலையில் ஆழ்த்தியுள்ளது.

என்னதான் பல ஆண்டுகளாக சின்னத்திரையில் நடித்து வந்தாலும், பாக்கியலட்சுமி தொடரின் கோபி கதாபாத்திரம் தான் சதீஷூக்கு பெரும் ரசிகர் பட்டாளத்தைப் பெற்றுக் கொடுத்து அவரை சின்னத்திரை ஸ்டாராக மாற்றியுள்ளது.

முன்னதாக மறைந்த இயக்குநர் பாலச்சந்தர் இயக்கிய றெக்கை கட்டிய மனசு தொடரில் சதீஷ் நடித்த சீன்கள், எம்.ஜி.ஆர், பெருமாள் கதாபாத்திரங்களில் சதீஷ் தோன்றிய ஃபோட்டோக்கள் இணையத்தில் லைக்ஸ் அள்ளி வைரலானது.

மாடலிங், விளம்பரம் என தனது திரைப்பயணத்தைத் தொடங்கிய சதீஷ், ’மின்சாரப்பூவே ’எனும் தமி படத்தில் நடித்துள்ளார். பின்னர் சீரியல் உலகில் ஆனந்தம்,சூலம்,வம்சம், திருமதி செல்வம் உள்ளிட்ட பல சீரியல்களில் நடித்த சதீஷ் பாக்கியலட்சுமி கோபி கதாபாத்திரத்தால் தான் மக்களின் ஏகோபித்த பாராட்டுகளை அள்ளியுள்ளார்.