Romanjam was made on Rs 5 crore and collected Rs 50 crore

3/2/2023 12:58:41 AM

சென்னை: மலையாளத்தில வெளியாகியுள்ள ரோமாஞ்சம் படம், ரூ.50 கோடி வசூலித்து சாதனை படைத்துள்ளது. சவுபின் ஷாகிர், செம்பான் வினோத், அர்ஜுன் அசோகன் நடித்துள்ள மலையாள படம் ரோமாஞ்சம். இந்த படத்தை அறிமுக இயக்குனர் ஜித்து மாதவ் இயக்கியுள்ளார். காமெடி கலந்த ஹாரர் படமாக இது உருவாகியிருந்தது. கடந்த பிப்ரவரி 3ம் தேதி திரைக்கு வந்த இந்த படம், இந்தியாவில் மட்டும் ரூ.33 கோடியும் வெளிநாடுகளில் ரூ.17 கோடியும் வசூலித்துள்ளது.தமிழில் லவ் டுடே, கன்னடத்தில் காந்தாரா, மலையாளத்தில் மாளிகாபுரம் படங்கள் குறைந்த பட்ஜெட்டில் உருவாகி பெரிய வெற்றி பெற்றுள்ளன. அந்த வரிசையில் ரூ.5 கோடியில் உருவான ரோமாஞ்சம் படமும் 50 கோடி ரூபாய் வரை வசூலித்திருப்பதால் மலையாள திரையுலகம் மகிழ்ச்சியில் உள்ளது.