A film will be successful only if the story is good: Sathyaraj

2/23/2023 10:46:57 AM

சென்னை: ஸ்ரீசரவணா பிலிம்ஸ் சார்பில் பி.சதீஷ் குமார் தயாரித்துள்ள படம், ‘தீர்க்கதரிசி’. இதை பி.ஜி.மோகன், எல்.ஆர்.சுந்தரபாண்டி இணைந்து இயக்கியுள்ளனர். சத்யராஜ், அஜ்மல், ஜெய்வந்த், துஷ்யந்த், ஸ்ரீமன் நடித்துள்ள கிரைம் திரில்லர் படமான இது விரைவில் திரைக்கு வருகிறது. இப்படம் சம்பந்தமான நிகழ்ச்சியில் பேசிய அஜ்மல், ‘சத்யராஜூடன் நடிக்க வேண்டும் என்ற எனது நீண்ட நாள் கனவு, இப்போது பலித்துள்ளது.

நான், ஜெய்வந்த், துஷ்யந்த் ஆகியோர் ஒரு குழுவாக இணைந்து நடித்தது நல்ல அனுபவமாக இருந்தது. இப்படத்தின் கதையைக் கேட்டபோது, கண்டிப்பாக இதில் நான் நடித்தே ஆக வேண்டும் என்ற எண்ணம் ஏற்பட்டது. இப்படத்தில் 15 முக்கிய விஷயங்கள் இருக்கிறது. அது அனைவரையும் கண்டிப்பாக ஈர்க்கும்’ என்றார். சத்யராஜ் பேசும்போது, ‘இதுபோன்ற படத்தை உருவாக்க தயாரிப்பாளருக்கு நல்ல அனுபவம் தேவை.

தமிழ் சினிமாவில் வெற்றிபெற்ற இரட்டை இயக்குனர்கள் வரிசையில் இப்படத்தின் இயக்குனர்களும் இணைய வேண்டும். ஒரு படத்தின் ஹீரோ ஸ்க்ரிப்ட்தான். இப்படத்தின் கதை மிகச்சிறப்பாக இருக்கும். அஜ்மல் மிகச்சிறந்த நடிகர் என்பதை நேரில் பார்த்தேன். கன்டென்ட் சிறப்பாக இருந்தால் வெற்றிபெறலாம். இப்படத்தில் நல்ல கன்டென்ட் இருக்கிறது’ என்றார்.