கவனம் பெற்ற ராஜலெட்சுமியின் ஆங்கில பாடல்

கவனம் பெற்ற ராஜலெட்சுமியின் ஆங்கில பாடல்

21 பிப், 2023 – 13:20 IST

சூப்பர் சிங்கர் நிகழ்ச்சியின் மூலம் பிரபலமான செந்தில் – ராஜலெட்சுமி தம்பதியினர் மேடை கச்சேரிகள், வெளிநாட்டு பயணம், சினிமாவில் பின்னணி பாடுவது என பிசியாக இருந்து வருகின்றனர். தவிரவும் வெள்ளித்திரையில் சில படங்களிலும் கமிட்டாகி நடித்து வருகின்றனர். அதிலும் ராஜலெட்சுமி ‘லைசென்ஸ்’ என்ற படத்தின் மூலம் ஹீரோயினாக அறிமுகமாகிறார். இதற்கிடையில் சொந்தமாக யு-டியூப் சேனல் வைத்திருக்கும் ராஜலெட்சுமி அவ்வப்போது சில ஹிட் பாடல்களுக்கு ‘கவர்சாங்’ பாடி பதிவேற்றுவார். அந்த வகையில் ஆங்கிலத்தில் பிரபலமான பாப் பாடகியாக வலம் வரும் டைலர் ஸ்விப்ட் பாடிய ‘வில்லோவ்’ என்ற பாடலுக்கான கவர்சாங்கை சில மாதங்களுக்கு முன் பாடி பதிவேற்றியுள்ளார். அந்த பாடலானது தற்போது இணையத்தில் கவனம் பெற தொடங்கியுள்ளது. ரசிகர்கள் அனைவரும் ராஜலெட்சுமியின் இந்த முயற்சியை ஊக்குவிக்கும் வகையில் பாராட்டி பதிவிட்டுள்ளனர்.

இதையும் பாருங்க !