அபர்ணதி நடிக்கும் டீமன் & Daemon played by Aparnathy

2/20/2023 12:40:12 PM

சென்னை: இயக்குனர் வசந்த பாலன் வழங்க, விண்டோ பாய்ஸ் பிக்சர்ஸ் சார்பில் ஆர்.சோமசுந்தரம் தயாரிக்கும் படம், ‘டீமன்’. வசந்த பாலன் இயக்கிய ‘அங்காடித்தெரு’, ‘அரவான்’, ‘காவியத்தலைவன்’, ‘ஜெயில்’,  கோகுல் இயக்கிய ‘இதற்குத் தானே ஆசைப்பட்டாய் பாலகுமாரா’, ‘காஷ்மோரா’ ஆகிய  படங்களில் உதவியாளராகப் பணியாற்றிய ரமேஷ் பழனிவேல், ‘டீமன்’ படத்தின்  கதை, திரைக்கதை, வசனம் எழுதி இயக்குனராக அறிமுகமாகிறார். ‘பிகினிங்’ படத்தில் நடித்திருந்த சச்சின் கதையின் நாயகனாக நடிக்கிறார்.

‘ஜெயில்’, ‘தேன்’, ‘உடன்பால்’ ஆகிய படங்களில் நடித்திருந்த அபர்ணதி ஹீரோயினாக நடிக்கிறார். ஆர்.எஸ்.ஆனந்தகுமார் ஒளிப் பதிவு செய்ய, ரோனி ரஃபேல் இசை அமைக்கிறார். கார்த்திக் நேத்தா பாடல்கள் எழுதுகிறார். அன்றாட வாழ்க்கையில் நடந்துவரும் சம்பவங்களை மையப்படுத்தி, சஸ்பென்ஸ் திரில்லர் ஹாரர் படமாக உருவாகும் இந்தப் படம், இதற்கு முன்பு வெளியான ‘பீட்சா’, ‘ராட்சசன்’, ‘பிசாசு’ ஆகிய படங்களின் வரிசையில் இடம்பெறும் என்று இயக்குனர் தெரிவித்தார்.