பாரதி கண்ணம்மா: பல்வேறு நட்சத்திரங்களின் கேமியோவுடன் முடிவடையும் தொடர் – சீசன் 2-வில் என்ன நடக்கும்? | Bharathi Kannamma series is to end this week. What’s special in the Climax?

விஜய் டிவியில் ஒளிபரப்பாகிக் கொண்டிருக்கும் நெடுந்தொடர் ‘பாரதி கண்ணம்மா’. இப்ப முடிஞ்சிடும், அப்ப முடிஞ்சிடும்னு மக்கள் நினைக்க, ‘எதிர்பாராததை எதிர்பாருங்கள்!’ என்கிற பிக் பாஸ் ஸ்டைலில் தொடர்ந்து வெற்றிகரமாக ஒளிபரப்பாகிக் கொண்டிருக்கிறது. இயக்குநர் பிரவீன் பென்னட் கதைக்களத்தை அடுத்தடுத்து நகர்த்திச் சென்றார். அவரது இயக்கத்தில் வெளியாகும் புத்தம் புதிய படைப்பான ‘மகாநதி’ தொடர் ‘பாரதி கண்ணம்மா’விற்கு மாற்றாகத்தான் வருகிறது என்று பேசப்பட்டு வந்த நிலையில், அது ஒரு தனித்தொடர் என்பது தெரிய வந்திருக்கிறது.

தற்போது உண்மையாகவே ‘பாரதி கண்ணம்மா’ தொடர் இறுதிக்கட்டத்தை நெருங்கியுள்ளது. பாரதியும், கண்ணம்மாவும் திருமணம் செய்து கொள்ளும் காட்சியுடன் தொடர் நிறைவடையும் என எதிர்பார்க்கப்படுகிறது. இந்தத் தொடரின் இறுதிக்கட்ட படப்பிடிப்பில் ‘பாரதி கண்ணம்மா’ குழுவினருடன் பிக் பாஸ் பிரபலம் ஷிவின், நடிகரும் இயக்குநருமான ஆர்.ஜே பாலாஜி, பாடலாசிரியர் சினேகன் மற்றும் அவருடைய மனைவி கன்னிகா ஆகியோர் கலந்து கொண்டிருக்கின்றனர்.