4 ஆண்டுகளுக்குப் பிறகு ஷாருக் கான் படம்; 100 நாடுகளில் 2500 திரைகளில் வெளியாகி புதிய சாதனை! |Shah Rukh Khan’s Pathaan released in 2500 theaters in 100 countries today, a new record

இப்படத்திற்கு இந்தியா முழுக்க ரசிகர்கள் ஏற்கெனவே ஒரு வாரத்திற்கு தேவையான டிக்கெட்களை முன்பதிவு செய்துள்ளனர். இதற்கு முன்பு இது போன்று இந்திய திரைப்படம் 100 நாடுகளில் வெளியானது கிடையாது. திரைப்பட தொழில் நிபுணர் தரன் ஆதர்ஷ் இது தொடர்பாக வெளியிட்டுள்ள டிவிட்டர் செய்தியில், 100 நாடுகளில் 2500 திரையரங்குகளில் பதான் வெளியாகிறது.

இந்த அளவுக்கு அதிகமான நாடுகளில் வெளியான இந்திய திரைப்படம் இதுதான் என்று குறிப்பிட்டுள்ளார். முதல் நாளில் 4 லட்சம் டிக்கெட்கள் விற்பனையாகும் என்று எதிர்பார்ப்பதாகவும் அவர் குறிப்பிட்டுள்ளார். இது வரை முதல் நாளில் அதிக டிக்கெட்கள் விற்பனையான முதல் ஐந்து படங்களோடு பதான் பட விற்பனையை ஒப்பிட்டுக் காட்டியுள்ள தரன் திங்கள் கிழமை மாலை வரை பதான் படத்திற்கு 3.9 லட்சம் டிக்கெட்கள் விற்றுத்தீர்ந்திருப்பதாக தனது டிவிட்டர் பக்கத்தில் குறிப்பிட்டுள்ளார். இது வரை பாகுபலி படத்திற்கு அதிகபட்சமாக முதல் நாளில் 6.50 லட்சம் டிக்கெட்கள் விற்பனையானது.