What to watch on Theatre & OTT: பதான், அயலி, பிகினிங் – இந்த வீக்கெண்டில் என்னென்ன பார்க்கலாம்? | What to watch on Theatre & OTT: Republic Day releases in all languages

அயலி (தமிழ்) – Zee5

இயக்குநர் முத்துக்குமார் இயக்கத்தில் உருவாகியுள்ள தமிழ் வெப்சீரிஸ் ‘அயலி’. அபி நட்சத்திரா, அனுமோல், மதன், லிங்கா, சிங்கம்புலி, டி.எஸ்.ஆர் தர்மராஜ், லவ்லின் சந்திரசேகர், காயத்ரி தாரா, பிரகதீஸ்வரன், ஜென்சன் உள்ளிட்டோர் இதில் நடித்துள்ளனர். இது ஜனவரி 26ம் தேதி குடியரசு தினத்தன்று ‘Zee5’ ஓடிடி தளத்தில் வெளியாகியுள்ளது.

எங்க ஹாஸ்டல் (தமிழ்) – Prime Video

இந்தியில் வெளியான ‘ஹாஸ்டல் டேஸ்’-ன் தமிழ் ரீமேக்காக ’எங்க ஹாஸ்டல்’ என்ற வெப்சீரிஸ் ‘Prime Video’ தளத்தில் ஜனவரி 27ம் தேதி வெளியாகியுள்ளது. சதீஷ் சந்திரசேகரன் இயக்கத்தில் உருவாகியுள்ள இந்த வெப்சீரிஸில் சச்சின் நாச்சியப்பன், அவினாஷ் ரமேஷ், சம்யுக்தா விஷ்வநாதன், சரண்யா ரவிச்சந்திரன், கெளதம் ராஜ் மற்றும் டிராவிட் செல்வம்  உள்ளிட்டோர் நடித்துள்ளனர்.

Charming the Hearts of Men (ஆங்கிலம்) – Amazon Prime

எஸ்.இ.டிரோஸ் எழுதி இயக்கியிருக்கும் திரைப்படம் ‘Charming the Hearts of Men’. அன்னா ஃப்ரீல், கெல்சி கிராமர், ஸ்டார்லெட் டுபோயிஸ் உள்ளிட்டோர் இத்திரைப்படத்தில் நடித்துள்ளனர். இத்திரைப்படம் ‘Prime Video’ தளத்தில் கடந்த ஜனவரி 24ம் தேதி வெளியாகியுள்ளது.

Detective Knight: Independence (ஆங்கிலம்)

எட்வர்ட் டிரேக் இயக்கியிருக்கும் திரைப்படம் ‘Detective Knight: Independence’. ப்ரூஸ் வில்லிஸ், லோரென்சோ அன்டோனுசி, டாக்ஸ் காம்ப்பெல், கலேப் கிளிப்டன் உள்ளிட்டோர் இத்திரைப்படத்தில் நடித்துள்ளனர். ‘Lionsgate’ நிறுவனம் தயாரித்திருக்கும் இப்படத்தை ஜனவரி 24ம் தேதி முதல் ‘Video on Demand’ வழிமுறையில் ‘YouTube’, ‘Apple TV’ போன்ற தளங்களில் நேரடியாகக் கட்டணம் செலுத்தி பார்த்துக்கொள்ளலாம்.