திரைப்படங்களை புரிந்து கொள்ளுங்கள்: விமர்சகர்களுக்கு விஜய்சேதுபதி வேண்டுகோள்

திரைப்படங்களை புரிந்து கொள்ளுங்கள்: விமர்சகர்களுக்கு விஜய்சேதுபதி வேண்டுகோள்

24 டிச, 2022 – 15:35 IST

சென்னையில் நடந்த சர்வதேச திரைப்பட விழாவில் மாமனிதன் படத்தில் நடித்த விஜய்சேதுபதி சிறந்த நடிகராக தேர்ந்தெடுக்கப்பட்டார். இதற்கான விருதை பெற்றுக் கொண்ட விஜய்சேதுபதி பரிசுத் தொகையான ஒரு லட்சத்தினை விழாக் குழுவிடமே திருப்பி அளித்தார்,

பின்னர் அவர் பேசியதாவது: திரைப்படங்களை பார்த்துவிட்டு கடந்துபோய் விடாமல் இயக்குநர்கள் கதையின் வாயிலாக தெரிவிக்க விரும்பும் விஷயங்களை புரிந்துகொள்ளுங்கள். ஆரோக்கியமாக விவாதங்களில் ஈடுபடுங்கள். வாழ்க்கையின் அனுபவங்கள்தான் திரைப்படங்களாகின்றன. முடிந்த அளவு ஒரு திரைப்படத்தை புரிந்துகொள்ள முயற்சியுங்கள். வாழ்க்கையைப் புரிந்துகொள்ள திரைப்படங்கள் உதவுகின்றன.

எந்தவொரு திரைப்படத்தையும் விமர்சனங்களின் வாயிலாக புரிந்துகொள்ள முயற்சிக்காதீர்கள். விமர்சகர்கள் பார்வையில் திரைப்படங்கள் சரியாக பார்க்கப்படுகின்றதா எனத் தெரியவில்லை.

இவ்வாறு அவர் பேசினார்.