இசை அமைப்பாளர் ஆனார் டிரம்ஸ் சிவமணி
23 டிச, 2022 – 13:06 IST
பிரபல டிரம்ஸ் இசை கலைஞர் சிவமணி. உலகம் முழுக்க இசை கச்சேரிகளை நடத்தி வருகிறார். ஏ.ஆர்.ரகுமான் உள்ளிட்ட முன்னணி இசை அமைப்பாளர்களுடன் திரைப்படங்களில் பணியாற்றி வருகிறார். இந்த நிலையில் அவர் இசை அமைப்பாளராக அறிமுகமாகிறார்.
விவேக் கே.கண்ணன் இயக்கத்தில் சன்னி லியோன், ப்ரியாமணி, ஜாக்கி ஷெராப் மற்றும் சாரா நடிக்கும் ‘கொட்டேஷன் கேங்’ என்ற படத்திற்கு இசை அமைக்கிறார். இந்த படம் தமிழ், தெலுங்கு, கன்னடம், மலையாளம் மற்றும் இந்தி ஆகிய 5 மொழிகளில் உருவாகிறது. படப்பிடிப்பு மும்பையில் நிறைவடைந்து தற்போது போஸ்ட் புரொடக்ஷன் பணிகள் மும்பை மற்றும் சென்னையில் நடைபெற்று வருகிறது. க்ரைம் திரில்லர் பாணியில் உண்மை சம்பவங்களை அடிப்படையாகக் கொண்டு காஷ்மீர், சென்னை, ஹைதராபாத் மற்றும் மும்பை ஆகிய இடங்களில் படமாக்கப்பட்டுள்ளது.
+ There are no comments
Add yours