“நீ யார் என்பதை இப்போது நிரூபித்து விட்டாய்!”- மகன் அபிஷேக் குறித்து அமிதாப் பச்சன் நெகிழ்ச்சி | Filmfare OTT Awards 2022: Amitabh Bachchan appreciates Abhishek Bachchan’s Best Actor win

இந்தி மற்றும் தென்னிந்தியத் திரைப்படங்களுக்குப் பிரபல பத்திரிகையான பிலிம்பேர் பல வருடங்களாக விருதுகளை வழங்கி வருகிறது. கடந்த சில ஆண்டுகளாக ஓ.டி.டி தளங்களும் பிரபலமானதால் ஓ.டி.டி-யில் வெளியாகும் படங்கள், வெப் சீரிஸ்கள், அதில் நடிக்கும் நடிகர், நடிகைகள் போன்றோருக்கும்    பிலிம்பேர் விருதுகளை வழங்கி வருகிறது. 

அந்த வகையில், தற்போது அறிவித்த பிலிம்பேர் ஓ.டி.டி விருதுகள் 2022-ல் நெட்ப்ளிக்ஸ் தளத்தில் வெளியான ‘Dasvi’ படம் சிறந்த திரைப்படத்திற்கான விருதைப் பெற்றுள்ளது. அப்படத்தில் சிறப்பாக நடித்ததற்காக அபிஷேக் பச்சனுக்குச் சிறந்த நடிகருக்கான விருது கொடுக்கப்பட்டுள்ளது.

சிறந்த நடிகருக்கான விருதைப் பெற்ற அபிஷேக் பச்சனுக்குப் பலரும் தங்களது பாராட்டுகளைத் தெரிவித்து வரும் நிலையில் நடிகர் அமிதாப் பச்சனும் தன் மகனான அபிஷேக் பச்சனைப் பாராட்டி சமூக வலைதளத்தில் பதிவு ஒன்றைப் பதிவிட்டுள்ளார். 

அப்பதிவில், “நீதான் என் பெருமை மகிழ்ச்சி எல்லாமே. நீ சொன்னதை நிரூபித்துக் காட்டி விட்டாய். நிறைய ஏளனங்களையும், கேலி, கிண்டல்களையும் எதிர்கொண்டிருக்கிறாய். ஆனால் தற்போது எந்த ஒரு ஆர்பாட்டமும் இல்லாமல் நீ யார் என்பதை காட்டிவிட்டாய். இன்று மட்டுமல்ல என்றென்றைக்கும் நீ சிறந்தவனாகத்தான் இருப்பாய்” என்று குறிப்பிட்டுள்ளார்.