மணிக்கூண்டு:

ஆந்திர மாநிலம், விஜயநகரம் மணிக்கூண்டு பகுதியில் போக்குவரத்து போலிஸாரான விஜயகுமார், சத்யநாராயணா ஆகியோர் நேற்று முன்தினம் பணியில் ஈடுபட்டிருந்தனர். அப்போது, சாலையில் முதியவர் ஒருவர் பசியால் தவித்துக் கொண்டிருந்துள்ளார்.

அந்த வழியாகச் சென்றவர்களிடம் குடிக்க தண்ணீர் கேட்டுக் கொண்டிருந்தார். பலரும் கண்டும் காணாதது போல் சென்று கொண்டிருந்த நிலையில், விஜயகுமார், சத்யநாராயணா ஆகிய 2 போக்குவரத்து போலிஸாரும் கடையில் ஜூஸ் வாங்கி அவருக்கு கொடுத்தனர்.

பின்னர் ஆம்புலன்ஸ் மூலம் அரசு மருத்துவமனைக்கு அவரை அனுப்பி வைத்தனர். உரிய நேரத்தில் முதியவரை மீட்டு மருத்துவமனையில் சேர்த்ததால், அவர் உயிர் பிழைத்துள்ளார். இதுதொடர்பான வீடியோ சமூக வலைதளங்களில் வைரலாக பரவியது.

பசியால் வாடிய முதியவருக்கு 2 போக்குவரத்து போலிஸார் உதவி உயிரைக் காப்பாற்றிய சம்பவம் நெகிழ்ச்சியை ஏற்படுத்தியுள்ளது.