முன்னாள் பிரதமரான டாக்டர் மன்மோகன் சிங்குக்கு தற்போது 91 வயதாகிறது. கடந்த 33 ஆண்டுகளாக மாநிலங்களவை உறுப்பினராக இருந்துவந்த மன்மோகன் சிங் ஏப்ரல் 3-ம் தேதி (இன்று) ஓய்வுபெற்றார். 1991-ம் ஆண்டு, நரசிம்ம ராவ் தலைமையிலான காங்கிரஸ் ஆட்சியில் நிதியமைச்சராக இருந்த மன்மோகன் சிங், இந்தியப் பொருளாதாரத்தில் தாராளமய, தனியார்மய, உலகமயக் கொள்கைகளைப் புகுத்தினார்.
2004 முதல் 2014 வரை காங்கிரஸ் தலைமையிலான ஐக்கிய முற்போக்கு கூட்டணி ஆட்சியில் பத்தாண்டு காலம் பிரதமராக இருந்தார் மன்மோகன் சிங். 2014-ல் மோடி தலைமையில் பா.ஜ.க ஆட்சிக்கு வந்த பிறகும், மாநிலங்களவை உறுப்பினராக அவர் தொடர்ந்தார்.
