2024 ஆம் ஆண்டுக்கான பத்ம விருதுகளை மத்திய அரசு அறிவித்திருந்தது. இதில் மறைந்த நடிகரும், தேமுதிக கட்சித் தலைவருமான விஜயகாந்துக்கு பத்மபூஷண் விருது அறிவிக்கப்பட்டது. விஜயகாந்துக்கு அறிவிக்கப்பட்ட பத்மபூஷண் விருதை, அவரது மனைவியும் தேமுதிக பொதுச் செயலாளருமான பிரேமலதா கடந்த 9-ம் தேதி குடியரசுத் தலைவர் திரவுபதி முர்முவிடம் இருந்து பெற்றுக் கொண்டார்.
நடிகர் விஜயகாந்த்திற்கு பத்மபூஷண் விருது வழங்கியதற்கு திரை பிரபலங்கள் பலரும் தங்களது பாராட்டுகளைத் தெரிவித்து வருகின்றனர். இந்நிலையில் நடிகர் ரஜினிகாந்த் விஜயகாந்திற்கு வாழ்த்து தெரிவித்து உருக்கமாகப் பேசி வீடியோ ஒன்றை வெளியிட்டுள்ளார்.
