Serial Update: `இறுதிக்கட்டத்தில்`தமிழும் சரஸ்வதியும்' தொடர்; கேமியோ ரோலில் நக்‌ஷத்ரா

தமிழ் சின்னத்திரை உலகின் லேட்டஸ்ட் அப்டேட்கள் இதோ!

விஜய் டிவியில் ஒளிபரப்பாகும் தொடர் `தமிழும் சரஸ்வதியும்’. ரசிகர்கள் மத்தியில் மிகுந்த வரவேற்பை பெற்ற இந்தத் தொடர் கிட்டத்தட்ட 700க்கும் மேற்பட்ட எபிசோட்களை கடந்திருக்கிறது. இந்நிலையில் இந்த மாத இறுதியில் இந்தத் தொடர் நிறைவடைய இருக்கிறது.

தொடரையும் அதில் நடித்துக் கொண்டிருக்கும் நடிகர்களையும் மிஸ் செய்யப் போவதாக தமிழும் சரஸ்வதியும் தொடர் ரசிகர்கள் சமூகவலைதளங்களில் கமென்ட் செய்து வருகின்றனர்.

ஜீ தமிழில் ஒளிபரப்பான `யாரடி நீ மோகினி’ தொடர் மூலம் தமிழ் சீரியல் ரசிகர்கள் மத்தியில் பரிச்சயமானவர் நக்‌ஷத்ரா. இவருக்கும் சீரியல் தயாரிப்பாளர் விஷ்வாவிற்கும் திருமணம் நடைபெற்றது. இவர்களுக்கு ஒரு மகள் இருக்கிறார்.

நக்‌ஷத்ரா ஜீ தமிழில் `டான்ஸ் ஜோடி டான்ஸ்’ நிகழ்ச்சியில் போட்டியாளராகப் பங்குபெற்றார். அந்த நிகழ்ச்சியில் அவருடைய நடனம் வெகுவாகப் பாராட்டப்பட்டது. இந்நிலையில் இவர் சன் டிவியில் ஒளிபரப்பாகிக் கொண்டிருக்கும் `செவ்வந்தி’ தொடரில் கேமியோ ரோலில் என்ட்ரி கொடுத்திருக்கிறார். இதன் மூலம் நக்‌ஷத்ராவின் ரசிகர்கள் அவருக்கு வாழ்த்துகள் கூறி வருகின்றனர். கதை நாயகியாக மீண்டும் நக்‌ஷத்ரா சின்னத்திரையில் வலம் வருவார் என எதிர்பார்க்கப்படுகிறது.

விஜய் டிவியில் ஒளிபரப்பாகிக் கொண்டிருக்கும் தொடர் `கிழக்கு வாசல்’. இந்தத் தொடரில் கதாநாயகியாக நடிக்கும் ரேஷ்மா சில வாரங்களாக சீரியலில் வரவில்லை. ஆனால் அவர் அந்தத் தொடரிலிருந்தும் விலகவில்லை. தொடர் தற்போது வேறொரு டிராக்கில் சென்று கொண்டிருக்கிறது. கதை, கதாநாயகன் வெங்கட்டை சுற்றி நகர்ந்து கொண்டிருக்கிறது.

தற்போது இந்தத் தொடரில் வெங்கட் இரட்டை வேடத்தில் நடிக்கிறார். அதன் மூலம் தொடர் சுவாரஸ்யமாக நகரும் என எதிர்பார்க்கப்படுகிறது. ரேஷ்மாவும் விரைவிலேயே தொடரில் என்ட்ரியாவார்… அவர் சார்ந்து கதைக்களம் இனி நகரும் எனவும் எதிர்பார்க்கப்படுகிறது. இரட்டை கதாபாத்திரத்தில் முதன்முதலாக வெங்கட் நடிக்கிறார். 

Source link