தேனி மாவட்டம் கம்பம் நகரில் உள்ள தேனீக்கள் அறக்கட்டளை மற்றும் வின்னர் ஸ்போர்ட்ஸ் நிர்வாகத்தினர் சார்பாக ஒவ்வொரு ஆண்டும் அரசு பள்ளியில் படித்து 10, 11, 12 ஆகிய வகுப்பு பொதுத்தேர்வில் முதல்3 இடங்களைப் பிடித்த மாணவ, மாணவிகளுக்கு பரிசுகளும், ஊக்கத் தொகையும் வழங்கப்பட்டு வருகிறது.
அதன்படி அரசுப் பள்ளியில் படிக்கும் மாணவ, மாணவிகளை ஊக்குவிப்பதற்காகவும், பள்ளி மாணவ, மாணவிகள் படிப்பில் மட்டும் முன்னோடியாக இல்லாமல் விளையாட்டுத்துறையிலும் சாதிக்க வேண்டும் என்பதற்காக இந்த நிகழ்ச்சி நடத்தி வருகின்றனர் அறக்கட்டளையினர்.
ஒவ்வொரு ஆண்டும் தேனி மாவட்டத்தில் உள்ள பல அரசு பள்ளிகளுக்குச் சென்று இதுபோன்ற விருது வழங்கும் நிகழ்ச்சியை நடத்தி வரும் அறக்கட்டளையினர் இந்த ஆண்டு உத்தமபாளையம் அரசு மாதிரி மேல்நிலைப்பள்ளி, கோம்பை அரசு உதவி பெறும் பள்ளி , உட்பட பல பள்ளிகளுக்குச் பொதுத்தேர்வில் முதல் 3 முறை படித்த மாணவர்களுக்கு பரிசுகளையும் ஊக்கத்தொகை வழங்கி உள்ளனர்.
தேனியில் மாணவர்களுக்கு பரிசு
இந்நிலையில், தற்போது தேனி மாவட்டம் கூடலூர் பகுதியில் அமைந்துள்ள அரசு உதவி பெறும் திருவள்ளுவர் மேல்நிலைப் பள்ளியில் பொதுத்தேர்வில் முதல் 3 இடங்களைப் பிடித்த மாணவ, மாணவிகளுக்கு கேடயங்களும் ஊக்கத் தொகையும், தேனீக்கள் அறக்கட்டளை வின்னர் ஸ்போர்ட்ஸ் மற்றும் சஞ்சீவி அக்குபஞ்சர் கிளினிக் சார்பில் வழங்கப்பட்டது.
இதையும் படிங்க : குறைந்த செலவில் குதூகலிக்க குளுகுளு ஸ்பாட்.. தேனி மேகமலை ஸ்பெஷல்!
இந்நிகழ்ச்சியில் கலந்துகொண்ட அக்குபஞ்சர் மருத்துவர் கார்த்திகா கூறுகையில், “பெண்கள் தைரியத்துடன் தனது பள்ளி படிப்பை வெற்றிகரமாக முடித்து உயர்கல்வியையும் கட்டாயம் அனைத்து பெண் பிள்ளைகளும் படிக்க வேண்டும். அனைத்து மாணவ, மாணவிகளும் முழு கவனத்துடன் படித்து வாழ்வில் முன்னேற்றம் அடைந்து தங்களது பெற்றோர்களுக்கும், ஆசிரியர்களுக்கும் பெருமை சேர்க்க வேண்டும்” என கூறினார்.
இந்நிகழ்ச்சியில் பள்ளியின் செயலாளர் மூர்த்தி ராஜன், பள்ளியின் தலைமை ஆசிரியர் பிரபாவதி, ஆசிரியர் ஞானசேகரன் கம்பம் வின்னர் ஸ்போர்ட்ஸ் உரிமையாளர் வின்னர் அலீம், மதுரை ஸ்ரீசஞ்சீவி அக்குபஞ்சர் கிளினிக் மருத்துவர் கார்த்திகா, தேனீக்கள் அறக்கட்டளை பொருளாளர் பாண்டி ஆகியோர் கலந்துகொண்டனர்.
உங்கள் ஊர் செய்திகளை வீடியோவாக பெற கிளிக் செய்க
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்.
