மழையால் இந்தியா – பாக். போட்டி நாளை ஒத்திவைப்பு

ஆசிய கோப்பை தொடரில் மழை காரணமாக இன்று நடைபெற்ற இந்தியா – பாகிஸ்தான் இடையிலான ஆட்டம் நாளைக்கு ஒத்தி வைக்கப்பட்டுள்ளது. இந்த மேட்சில் முதலில் பேட்டிங் செய்து வரும் இந்திய அணி 24.1 ஓவரில் 2 விக்கெட் இழப்புக்கு 147 ரன்கள் எடுத்திருந்தது. விராட் கோலி 8 ரன்னுடனும், கே.எல். ராகுல் 17 ரன்னுடனும் களத்தில் இருந்தனர். இதிலிருந்து நாளை ஆட்டம் மீண்டும் தொடங்கவுள்ளது.

டாஸ் வென்ற பாகிஸ்தான் அணி பவுலிங்கை தேர்வு செய்தது. இதையடுத்து இந்திய அணியின் தொடக்க வீரர்களாக களம் இறங்கிய ரோஹித் சர்மா – சுப்மன் கில் சிறப்பான தொடக்கத்தை கொடுத்தனர்.

#INDvsPAK | India vs Pakistan match in the Asia Cup called off for the day due to rain, to resume tomorrow pic.twitter.com/QA7XsSoyXl

— ANI (@ANI) September 10, 2023

ரோஹித் சர்மா 56 ரன்களும், சுப்மன் கில் 58 ரன்களும் எடுத்து இருவரும் முதல் விக்கெட்டிற்கு 121 ரன்கள் பார்ட்னர்ஷிப் அமைத்தனர். இந்திய அணி 24.1 ஓவரில் 2 விக்கெட் இழப்புக்கு 147 ரன்கள் எடுத்திருந்தபோது மழை குறுக்கிட்டதால் ஆட்டம் தற்காலிகமாக நிறுத்தப்பட்டது. அப்போது விராட் கோலி 8 ரன்னுடனும், கே.எல்.ராகுல் 17 ரன்னுடனும் களத்தில் இருந்தனர்.

இதன்பின்னர் மழை விளையாட முடியாத அளவுக்கு பெய்ததால்  ஆட்டம் நாளை தொடரும் என்று நடுவர்கள் அறிவித்துள்ளனர். இந்தியா – பாகிஸ்தான் அணிகளுக்கு இடையிலான லீக் சுற்றில் மழை பெய்து ஆட்டம் நிறுத்தப்பட்டது. தற்போதும் மழை குறுக்கிட்டு வருவதால் ரசிகர்கள் ஏமாற்றம் அடைந்துள்ளனர்.

இதையும் படிங்க – ஒருநாள் போட்டிகளுக்கான ஐசிசி தரவரிசை!! முதலிடத்திற்கு ஆஸ்திரேலிய அணி முன்னேற்றம்

ஆசிய கோப்பை கிரிக்கெட் தொடர் கடந்த ஆகஸ்ட் 30 ஆம் தேதி தொடங்கியது. இந்த தொடரில் 6 அணிகள் பங்கேற்றுள்ளன. இதில், இரண்டு பிரிவுகளில் முதல் 2 இடங்களை பிடித்த இந்தியா, பாகிஸ்தான், இலங்கை மற்றும் வங்கதேசம் சூப்பர் 4 சுற்றுக்கு முன்னேறின. தற்போது சூப்பர் 4 சுற்று ஆட்டங்கள் நடைபெற்று வருகிறது.