இந்தியாவில் ஒரு சில இடங்களில் லாட்டரி தடை செய்யப்பட்டிருந்தாலும் உலகம் முழுவதும் பல நாடுகளில் பலதரப்பட்ட கட்டுப்பாடு மற்றும் விதிமுறைகளுடன் லாட்டரி நடத்தப்படுகிறது. லாட்டரியில் வெற்றி பெறுவது என்பது முழுக்க முழுக்க அதிர்ஷ்டம் சார்ந்தது தான். எல்லோருக்கும் இந்த அதிர்ஷ்டம் கிடைப்பதில்லை. ஒரு சிலர் இளம் வயதிலேயே அதிர்ஷ்டமானவர்களாக லாட்டரியில் கணிசமான தொகையை வெல்கிறார்கள். ஒரு சிலருக்கு வயதான பின்பு தான் லாட்டரியில் பரிசு கிடைக்கிறது. அந்த வகையில், சமீபத்தில் 77 வயதான முதியவர் ஒருவருக்கு லாட்டரியில் 5 மில்லியன் டாலர்கள் (இந்திய மதிப்பு படி ரூ.41 கோடியே 60 லட்சம் ) பரிசாக கிடைத்துள்ளது. இந்த பரிசை பெற்ற பிறகு முதன் முதலில் என்ன செய்தார் என்பதை கேள்விப்பட்டால் மிக மிக ஆச்சரியமாக இருக்கும்.
Bud என்ற முதியவர், அமெரிக்காவில் கொலராடோவில் வசித்து வருகிறார். இந்த முதியவர் கொலராடோ லாட்டரி நடத்திய அதிர்ஷ்ட குலுக்கலில் ஐந்து மில்லியன் டாலர் தொகையை பரிசாக பெற்றுள்ளார். இந்த பரிசை பெற்ற பிறகு இவர் முதல் முதலாக இவருக்கு தர்பூசணி பழமும், மனைவிக்கு ஒரு பூங்கொத்தையும் வாங்கினார்.
பணியில் இருந்து ஓய்வு பெற்று தன்னுடைய ரிடயர்மென்ட் வாழ்க்கையை வாழ்ந்து வரும் அந்த முதியவர் சமீபத்தில் ஹோலி க்ராஸ் வைல்டர்நஸ்ஸில் ஒரு சுற்றுப்பயணம் சென்றிருந்தார். செப்டம்பர் 6 ஆம் தேதியே அதிர்ஷ்ட குலுக்கல் நடைபெற்றது. இந்த பயணத்தில் இருந்து அவர் திரும்பி வந்த பிறகு வெற்றி பெற்ற லாட்டரி டிக்கெட் எண்ணை சரிபார்த்து இருக்கிறார். ஆனால் அவருடைய டிக்கெட்டிற்கு தான் பரிசு கிடைத்துள்ளது என்பதை அவரால் நம்ப முடியவில்லை. இதில் தவறாக இருக்கலாம் என்று அவர் கூறினார்.
77 வயது ஆனாலும் கூட வயதாகி விட்டது என்ற காரணத்தால் வீட்டிலேயே இருக்காமல் பயணங்கள் மேற்கொள்வார். அதுமட்டுமல்லாமல் இவருக்கு லாட்டரி வாங்குவது மிகவும் ஆர்வம் காட்டுவார். பைக்கில் ஊர் சுற்றுவார், மலையேற்றம் செய்வார், டென்னிஸ் விளையாடுவார். எப்போதும் சுறுசுறுப்பாக இருப்பார். அது மட்டுமல்லாமல் இவரும் இவருடைய மனைவியும், வருடத்தில் ஆறு மாதங்கள் கொலராடோவிலும் ஆறு மாதங்கள் அரிசோனாவிலும் ஒவ்வொரு ஆண்டும் வாழ்ந்து வருகிறார்கள்.
Also Read : ஒரு நிமிடத்தில் அரை கிலோ வெண்ணெய் சாப்பிட்ட பெண்.. இப்படியும் கின்னஸ் சாதனை!
உலகின் மிக அழகான இடம் கொலராடா தான் என்று Bud தெரிவித்துள்ளார். அதுமட்டுமில்லாமல் அவர் எப்படி லாட்டரியை தேர்வு செய்கிறார் என்பதற்கு ஒரு ரகசிய ஃபார்முலா வைத்திருப்பதாகவும் கூறினார். லாட்டரியில் இரண்டரை லட்சம் டாலர்கள் ரொக்கமாக பெரும் ஆப்ஷனை தேர்வு செய்துள்ளார். வெற்றி பெற்ற பிறகு தன் மனைவிக்கு தர்பூசணியும் பழங்களையும், பூக்களையும் வாங்கிக்கொண்டு சென்றுள்ளார்.
இவ்வளவு பெரிய தொகையை வெற்றி பெற்ற இவர், இதில் கணிசமான தொகையை தொண்டு நிறுவனங்களுக்கு வழங்க இருப்பதாகவும், மனைவிக்கு ஒரு சில அறுவை சிகிச்சைகளை செய்ய பயன்படுத்துவதாகவும் தெரிவித்துள்ளார்.
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்.
