பெங்களூரு விமான நிலையத்தை பாராட்டி நடிகர் மாதவன் வீடியோ பதிவு ஒன்றை தனது இன்ஸ்டாகிராம் பக்கத்தில் வெளியிட்டுள்ளார். இதனை பிரதமர் மோடி தனது ஸ்டோரியில் பதிவிட்டதால் இந்த வீடியோ கவனம் பெற்று வருகிறது.
கர்நாடக மாநிலம் பெங்களூருவில் கெம்பகவுடா சர்வதேச விமான நிலையத்தின் 2-ஆவது டெர்மினல் கடந்த 12ம் தேதியில் இருந்து செயல்பாட்டுக்கு வந்தது. முதல் டெர்மினல் உள்ளூர் விமான சேவைகளுக்கு பயன்படுத்தப்படும். இதில் இண்டிகோ, ஆகாசா ஏர், அலையன்ஸ் ஏர், ஸ்பைஸ் ஜெட் உள்ளிட்ட விமானங்கள் வந்து செல்லும். டெர்மினல் 2 சர்வதேச விமானங்களை கையாளும். இங்கு ஏர் ஏசியா, ஏர் இந்தியா, ஸ்டார் ஏர், விஸ்தாரா உள்ளிட்ட விமானங்கள் வந்து செல்லும்.
இந்நிலையில் கெம்பகவுடா விமான நிலையத்திற்கு சமீபத்தில் வந்த நடிகர் மாதவன் அங்கு செயல்படுத்தப்பட்டிருந்த உள்கட்டமைப்பை பாராட்டி இன்ஸ்டாகிராமில் பதிவிட்டுள்ளார். அதில் அவர் கூறியிருப்பதாவது- இந்தியாவின் உட்கட்டமைப்பு நம்ப முடியாத அளவுக்கு மாற்றம் கண்டு வருகிறது. நான் இப்போது கெம்பகவுடா சர்வதேச விமான நிலையத்தில் இருக்கிறேன். இந்த இடம் நம்ப முடியாத அளவுக்கு மிக சிறப்பாக இருக்கிறது.
இதையும் படிங்க – 73வது பிறந்த நாளை கொண்டாடும் பிரதமர் மோடி… தலைவர்கள் வாழ்த்து!
இங்கு உண்மையான தாவரங்கள் பல்வேறு பகுதிகளில் தொங்குவதை பார்க்க முடியும். அவற்றுக்கு நாள்தோறும் தண்ணீர் பாய்ச்சப்படுகிறது. உலகின் மிகச் சிறந்த கட்டமைப்பை கொண்ட இடங்களில் ஒன்றாக நான் இதை பார்க்கிறேன். எனக்கு மிகவும் பெருமையாக இருக்கிறது என்று கூறியிருந்தார்.
இதனை பிரதமர் மோடி தனது இன்ஸ்டாகிராம் பக்கத்தில் ஸ்டோரியாக வெளியிட்டு இந்தியாவின் வளர்ச்சிக்கான அடுத்த தலைமுறை உட்கட்டமைப்பு என்று பாராட்டியுள்ளார். தற்போது மாதவன் வெளியிட்டுள்ள இந்த பதிவு 5 லட்சம் விருப்பங்களை கடந்துள்ளது.
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்.
