ஆசிய கோப்பை கிரிக்கெட் தொடரில் இன்று நடைபெற்ற இறுதிப் போட்டியில் இலங்கை அணியை 50 ரன்களில் இந்திய அணி ஆட்டமிழக்க செய்தது. இதன் மூலம் 23 ஆண்டுகால பகையை தீர்த்துள்ளது இந்திய அணி. 2000 ஆம் ஆண்டு துபாயில் நடைபெற்ற கோகோ கோலா சாம்பியன்ஸ் டிராபி இறுதிப் போட்டியில் இந்தியாவும், இலங்கையும் மோதின.
இந்த போட்டியில் இந்திய அணியை 54 ரன்களில் இலங்கை அணி சுருட்டி அபார வெற்றி பெற்றது. முதலில் பேட்டிங் செய்த இலங்கை அணி 50 ஓவர்கள் முடிவில் 5 விக்கெட் இழப்புக்கு 299 ரன்கள் எடுத்திருந்தது. இந்த மேட்ச்சில் சனத் ஜெயசூரியா 161 பந்துகளில் 189 ரன்கள் எடுத்திருந்தார். 300 ரன்கள் எடுத்தால் வெற்றி என்ற இலக்கை நோக்கி விளையாடிய இந்திய அணி 54 ரன்களில் ஆட்டமிழந்து தோல்வியடைந்தது. இலங்கைக்கு எதிராக மிக குறைவான இந்திய அணியின் ஸ்கோராக இது அமைந்தது.
இந்நிலையில் 23 ஆண்டுகளுக்கு பின்னர் இலங்கை அணியை 50 ரன்களில் இந்திய அணி சுருட்டி பகை தீர்த்துக் கொண்டுள்ளது. ஆசிய கோப்பை இறுதிப் போட்டியில் டாஸ் வென்ற இலங்கை அணி பேட்டிங்கை தேர்வு செய்து விளையாடியபோது அடுத்தடுத்து விக்கெட்டுகளை இழந்து தடுமாறியது.
குறிப்பாக அந்த அணியின் முன்னணி பேட்ஸ்மேன்கள் ஒற்றை இலக்கத்திலும், பூஜியத்திலும் வெளியேறினர். தொடக்க விக்கெட்டை பும்ரா கைப்பற்ற அடுத்த 6 விக்கெட்டுகளை முகமது சிராஜ் அள்ளினார். கடைசி 3 விக்கெட்டுகளை ஹர்திக் பாண்ட்யா எடுத்தார். 15.2 ஓவரில் அனைத்து விக்கெட்டுகளையும் இழந்த இலங்கை அணி 50 ரன் மட்டுமே எடுத்தது,
51 ரன்கள் எடுத்தால் வெற்றி என்ற இலக்கை நோக்கி விளையாடிய இந்திய அணி 6.1 ஓவரிலேயே வெற்றி பெற்றது. மொத்தம் இந்த இறுதிப் போட்டி 21.3 ஓவர்களில் முடிவுக்கு வந்தது. மழை வரும் முன்னரே இந்திய அணி ஆட்டத்தை முடித்து விட்டதாக ரசிகர்கள் சமூக வலைதளங்களில் கிண்டலாக கமென்ட் செய்துள்ளனர்.
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்.
