திருநெல்வேலி மனோன்மணியம் சுந்தரனார் பல்கலைக்கழக இளநிலை பாடப்பிரிவு தேர்வு முடிவுகள் வெளியிடப்பட்ட நிலையில் மாணவர்கள் மறு மதிப்பீடு செய்ய ஆகஸ்ட் 7ம் தேதி முதல் விண்ணப்பிக்கலாம் என தெரிவிக்கப்பட்டுள்ளது.
இதுதொடர்பாக பல்கலைக்கழக பதிவாளர் வெளியிட்டுள்ள செய்தி குறிப்பில், “மனோன்மணியம் சுந்தரனார் பல்கலைக்கழகத்தால் ஏப்ரல் 2023ல் நடத்தப்பட்ட இளநிலை பாடப்பிரிவுகளுக்கான தேர்வு முடிவுகள் கடந்த 14ம் தேதி வெளியிடப்பட்டது. தேர்வு முடிவுகளை மாணவர்கள் தங்கள் பயின்ற கல்லூரி வாயிலாகவோ அல்லது பல்கலைக்கழக இணையதளம் www.msuniv.ac.in மூலமும் அறிந்து கொள்ளலாம்.
இளநிலை பாடப்பிரிவுகளுக்கான தேர்வுகளில் பெற்ற மதிப்பெண்களை மறு மதிப்பீடு செய்ய விரும்பும் மாணவர்கள் அதற்குரிய படிவங்களை பல்கலைக்கழக இணையதளத்தில் பதிவேற்றம் செய்து கொள்ளலாம். விடைத்தாள் நகலைபெற்ற பிறகு மறுமதிப்பீடு செய்ய விண்ணப்பிக்க முடியும். விடைத்தாள் நகலை இணையதளம் வழியாக பெறுவதற்கு உரிய கட்டணத்துடன் படிவம் ஏ-வில் வரும் 20ம் தேதி முதல் 26ம் தேதி வரை விண்ணப்பிக்கலாம்.
மேலும் விடைத்தாள் நகல்கள் பல்கலைக்கழக இணையதளத்தில் பதிவேற்றம் செய்யப்படும். அதன் பின்னர் மாணவர்கள் மறு மதிப்பீடு செய்ய விண்ணப்பிக்கலாம். மறுமதிப்பீடு செய்ய இணையதளம் வழியாக குறிய கட்டணத்துடன் படிவம் பி-யில் ஆகஸ்ட் 7ம் தேதி முதல் 16ம் தேதி வரை விண்ணப்பிக்கலாம்” என தெரிவிக்கப்பட்டுள்ளது.
உங்கள் ஊர் செய்திகளை வீடியோவாக பெற கிளிக் செய்க
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்.
