``தலைவர் பதவிக்கு தகுதியில்லாதவர் அண்ணாமலை!" - பாஜக கூட்டணிக்கு முற்றுப்புள்ளி வைத்த ஜெயக்குமார் | ADMK is not in alliance with bjp, says admk ex mnister jayakumar

சென்னையில் செய்தியாளர்களிடம் பேசிய ஜெயக்குமார், “அண்ணாமலை தனியாகப் போட்டியிட்டால் நோட்டாவை தாண்ட மாட்டார். தலைவர் பதவிக்கு தகுதியில்லாதவர் அண்ணாமலை. பெரியார், அண்ணாவைப் பற்றி பேச என்ன தகுதி இருக்கிறது. இதோடு பேச்சை நிறுத்துங்கள் என்று பலமுறை எச்சரிக்கை விடுத்தோம். அ.தி.மு.க-வினர் இனிமேல் அண்ணாமலையை கடுமையாக விமர்சனம் செய்வார்கள். அ.தி.மு.க-வுடன் கூட்டணி வேண்டும் என்பதை பா.ஜ.க தொண்டர்கள் விரும்புகிறார்கள். ஆனால், அண்ணாமலை விரும்பவில்லை.

அண்ணாமலை - ஜெயக்குமார் — அண்ணாமலை – ஜெயக்குமார்

அப்படி பா.ஜ.க-வை சுமக்க வேண்டிய அவசியம் எங்களுக்கு இல்லை. பா.ஜ.க-வால் இங்கே காலூன்றவே முடியாது. எங்களை வைத்துதான் பா.ஜ.க-வுக்கு அடையாளமே. இனியும் பொறுத்துக்கொள்வதாக இல்லை. எனவே. கூட்டணியைப் பொறுத்தவரை பா.ஜ.க, அ.தி.மு.க-வுடன் கூட்டணியில் இல்லை. தேர்தல் வரும் நேரத்தில் அதை முடிவுசெய்ய முடியும். இதுதான் எங்கள் நிலைப்பாடு. கட்சியின் கருத்தும் கூட. இனிமேல் அண்ணாமலை எங்கள் தலைவர்களை விமர்சனம் செய்தால், கடுமையான விமர்சனங்களை அண்ணாமலை சந்திக்க நேரும்” என்றார்.