திருவாரூர் மாவட்ட அரசு ஐடிஐயில் மாணவர் சேர்க்கை குறித்து கலெக்டர் அறிவிப்பு வெளியிட்டுள்ளார்.
இதுகுறித்து திருவாரூர் மாவட்ட ஆட்சியர் சாருஶ்ரீ வெளியிட்டுள்ள செய்திகுறிப்பில், “திருவாரூர் மாவட்டத்தில் உள்ள நீடாமங்கலம் மற்றும் கோட்டூர் அரசு தொழிற்பயிற்சி நிலையங்களில் மாணவர் சேர்க்கை ஜூலை 31ம் தேதி வரை நடக்கிறது. பொறியியல் மற்றும் பொறியியல் அல்லாத தொழிற்பிரிவுகளில் சேர்ந்து பயிற்சி பெற 8ம் வகுப்பு மற்றும் 10ம் வகுப்பு தேர்ச்சி பெற்றவர்கள் விண்ணப்பிக்கலாம்.
தமிழகத்தில் உள்ள தொழிற்பயிற்சி நிலைய விவரங்கள் தொழிற் பிரிவுகள் இவற்றுக்கான கல்வித் தகுதி வயது வரம்பு இட ஒதுக்கீடு ஆகியவை www.skilltraining.tn.gov.in என்ற இணையதளத்தில் உள்ள விளக்க கையேட்டில் கொடுக்கப்பட்டுள்ளது. இணையதளத்தில் கொடுத்துள்ள அறிவுரைகளை இதன் மூலம் கவனமாக படித்து புரிந்துகொள்ளலாம்.
மேலும் பயிற்சி பெறும் மாணவ, மாணவிகளுக்கு, விலையில்லா வரைபடக்கருவிகள், விலையில்லா சீருடை மற்றும் தையற்கூலி, விலையில்லா மிதிவண்டி, விலையில்லா பாடப்புத்தகங்கள், விலையில்லா காலணி மற்றும் விலையில்லா பஸ் பயண அட்டை ஆகியவை வழங்கப்படுகின்றன.
உங்கள் ஊர் செய்திகளை வீடியோவாக பெற கிளிக் செய்க
நேரடி சேர்க்கைக்கான கடைசி தேதி 31.07.2023 ஆகும். மேலும் விவரங்களுக்கு மேற்கண்ட இணையதள முகவரி, நீடாமங்கலம் மற்றும் கோட்டூர் அரசு தொழிற்பயிற்சி நிலையங்களை தொடர்பு கொள்ளலாம்” என தெரிவித்துள்ளார்.
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்.
