IND vs AUS: பார்டர்-டிராபியின் வரலாறு… இதுவரை ஆதிக்கம் செலுத்தியது இந்தியாதான்.. முழு ரிப்போர்ட் இதோ!

<p>ஆஸ்திரேலியா அணி இந்தியாவில் சுற்றுப்பயணம் செய்து 4 டெஸ்ட் மற்றும் 3 ஒருநாள் போட்டிகள் கொண்ட தொடரில் விளையாட இருக்கிறது. இதன் முதல் டெஸ்ட் போட்டி நாக்பூரில் உள்ள ஜம்தாவில் உள்ள விதர்பா கிரிக்கெட் அசோசியேஷன் ஸ்டேடியத்தில் பிப்ரவரி 9 முதல் 13 வரை முதல் டெஸ்ட் போட்டியும், டெல்லியில் உள்ள அருண் ஜெட்லி மைதானத்தில் பிப்ரவரி 17 முதல் 21 வரை 2வது டெஸ்ட் போட்டியும் நடைபெற உள்ளது. மூன்றாவது டெஸ்ட் போட்டி ஹிமாச்சல பிரதேச கிரிக்கெட் சங்க மைதானத்தில் மார்ச் 1 முதல் 5 வரையிலும், நான்காவது டெஸ்ட் அகமதாபாத்தில் உள்ள நரேந்திர மோடி மைதானத்தில் மார்ச் 9 முதல் 13 வரையிலும் நடைபெறவுள்ளது.</p>
<p>இந்த போட்டிக்கான இரு அணிகளின் வீரர்களும் நாக்பூர் மைதானத்தில் பயிற்சி மேற்கொண்டு வருகின்றனர். இந்தநிலையில், இந்தியா – ஆஸ்திரேலியா அணிகள் பங்கேற்கும் பார்டர்- கவாஸ்கர் டெஸ்ட் போட்டியின் வரலாறு என்ன என்பதை கீழே காணலாம்.&nbsp;</p>
<p><strong>பார்டர்-கவாஸ்கர் டிராபி:&nbsp;</strong></p>
<p>இந்தியா மற்றும் ஆஸ்திரேலியா இடையேயான முதல் டெஸ்ட் தொடரானது 75 ஆண்டுகளுக்கு முன்பே விளையாடப்பட்டாலும், பார்டர்-கவாஸ்கர் டிராபியின் கீழ் டெஸ்ட் தொடர் 26 ஆண்டுகளுக்கு முன்புதான் தொடங்கியது. கடந்த 1996 அக்டோபர் மாதம் முதல்தான் இந்தியாவுக்கும், ஆஸ்திரேலியாவுக்கும் இடையிலான டெஸ்ட் தொடருக்கு பார்டர்-கவாஸ்கர் டிராபி என்று பெயரிடப்பட்டது. அன்றிலிருந்து இப்போது வரை இந்த இரு அணிகளுக்கும் இடையிலான டெஸ்ட் போட்டிகள் பார்டர்-கவாஸ்கர் டிராபியின் கீழ் நடத்தப்படுகின்றன.</p>
<p>கடந்த 1996 அக்டோபரில் பார்டர்-கவாஸ்கர் டிராபி முதல்முறையாக விளையாடப்பட்டபோது, ​​அதன் கீழ் ஒரே ஒரு டெஸ்ட் மட்டுமே விளையாடப்பட்டது. பின்னர் இந்திய சுற்றுப்பயணம் வந்த ஆஸ்திரேலியா அணி இங்கு 7 விக்கெட் வித்தியாசத்தில் தோல்வியை சந்தித்தது. இப்படி ஒரு தொடர் தொடங்கியதிலிருந்து இதுவரை இந்தியா மட்டுமே இந்த பார்டர்-கவாஸ்கர் டிராபி கோப்பையில் ஆதிக்கம் செலுத்தி வருகிறது.</p>
<p>கடந்த 26 ஆண்டுகளில், பார்டர்-கவாஸ்கர் டிராபி 15 முறை நடத்தப்பட்டுள்ளது. இதில் இந்தியா 9 முறையும், ஆஸ்திரேலியா அணி 5 முறை மட்டுமே வென்றுள்ளது. ஒருமுறை டிரா ஆகியுள்ளது. இந்த 15 தொடர்களில் மொத்தம் 52 போட்டிகள் நடைபெற்று, அதில் இந்தியா 22 போட்டிகளிலும்,&nbsp; ஆஸ்திரேலியா 19 போட்டிகளிலும் வென்றுள்ளது. அதேபோல், 11 போட்டிகள் டிரா நடந்துள்ளது. இந்த காலக்கட்டத்தில் ஆஸ்திரேலிய அணி இந்தியாவில் ஒருமுறை மட்டுமே கோப்பையை வென்றுள்ளது.&nbsp;</p>
<p><strong>பார்டர்-கவாஸ்கர் டிராபிக்கு முன்பு:&nbsp;</strong></p>
<p>பார்டர்-கவாஸ்கர் டிராபிக்கு முன், இந்தியா மற்றும் ஆஸ்திரேலியா இடையே 1947 நவம்பர் முதல் 1992 ஜனவரி வரை அதாவது சுமார் 45 ஆண்டுகளில் 12 டெஸ்ட் தொடர்கள் விளையாடப்பட்டன. இந்த 12 தொடரில், 7 தொடர்கள் ஆஸ்திரேலிய அணியும், இந்திய அணி ஒரு முறை மட்டுமே தொடரை வென்றுள்ளது.&nbsp; நான்கு முறை டிரா ஆனது.&nbsp; இந்த 12 தொடர்களில் நடைபெற்ற 50 டெஸ்ட் போட்டிகளில் ஆஸ்திரேலிய அணி 24 வெற்றிகளையும், இந்தியா 8 வெற்றிகளையும் பெற்றுள்ளது. இதன் போது 17 போட்டிகள் டிரா ஆகியுள்ளது.&nbsp;</p>
<p><strong>இனிவரும் போட்டிகள் 4 அல்ல 5:</strong></p>
<p>முன்னதாக வருங்கால பார்டர்- கவாஸ்கர் டிராபி குறித்து ஒரு அறிக்கை வெளியிட்டது. அதில், &ldquo;இந்த தொடர் முடிந்ததும் 2023-27 ஆம் ஆண்டிற்கான சர்வதேச கிரிக்கெட் கவுன்சிலின் ஆண்களின் எதிர்கால சுற்றுப்பயணத் திட்டத்தின் (FTP) படி, ஆஸ்திரேலியா மற்றும் இந்தியா இரண்டு ஐந்து போட்டிகள் கொண்ட தொடர்களை பார்டர்-கவாஸ்கர் டிராபிக்காக விளையாடும் என்றும், இது ஐசிசி உலக டெஸ்ட் சாம்பியன்ஷிப்பின் ஒரு பகுதியாகும் இருக்கும் என்றும் தெரிவிக்கப்பட்டுள்ளது.&nbsp;</p>
<p>அதன்படி, 2023-25 வரையிலான சுழற்சி முறையில் இந்தியா ஆஸ்திரேலியாவுக்கு சுற்றுபயணம் மேற்கொள்ளும். அதன்பிறகு, 2025-27 வரையிலான சுழற்சி முறையில் ஆஸ்திரேலியா இந்தியாவிற்கு சுற்றுபயணம் மேற்கொள்ள இருக்கின்றன.&nbsp;</p>
<p>இதுகுறித்து, இந்திய கிரிக்கெட் கட்டுப்பாட்டு வாரியம் வெளியிட்டுள்ள அதிகாரப்பூர்வ அறிக்கையில், இந்தியா மற்றும் ஆஸ்திரேலியா இடையே நடைபெற உள்ள டெஸ்ட் தொடர் 4 போட்டிகள் கொண்ட தொடரின் கடைசி பதிப்பாக இதுவே இருக்கும். இதன்பிறகு நடைபெற இருக்கும் அனைத்து போட்டிகளுக்கும் இதுக்கு பிறகு 5 டெஸ்ட் போட்டிகள் கொண்ட டெஸ்ட் தொடராகவும் நடைபெறும் என்று தெரிவித்துள்ளது.&nbsp;</p>
<p>குறிப்பிடத்தக்க வகையில், 2003/04 முதல் இந்தியா ஆஸ்திரேலியாவுக்கு சென்று சுற்றுப்பயணம் செய்ததிலிருந்து 4 போட்டியாகவே இருந்து வருகிறது. கடந்த 2010/11 ம் ஆண்டு மட்டுமே பார்டர்-கவாஸ்கர் தொடரானது 2 போட்டிகளாக நடத்தப்பட்டது. டைசியாக 1991/92 சீசனில் ஐந்து டெஸ்ட் போட்டிகள் தொடரில் விளையாடப்பட்டது என்பது குறிப்பிடத்தக்கது.&nbsp;</p>
<p>&nbsp;</p>

Source link