வனிதாவுக்கு ராபர்ட் மாஸ்டர் பதிலடி
02 டிச, 2022 – 12:21 IST
பிக்பாஸ் வாய்ப்பு கிடைத்து சீசன் 6ல் உள்ளே நுழைந்த ராபர்ட் மாஸ்டர் ஆரம்பம் முதலே சொல்லிக்கொள்ளும் படி விளையாடவில்லை. ஆனால், ரச்சிதாவை காதலிப்பதாகவும், க்ரஷ் என்றும் சொல்லிக்கொண்டு பிக்பாஸ் வீட்டினுள் அவர் அடித்த லூட்டிகள் பல. ஒருவழியாக கடந்த வார எவிக்சனில் ராபர்ட் மாஸ்டர் பிக்பாஸ் வீட்டைவிட்டு வெளியேறிவிட்டார். தற்போது பிசியாக ஊடகங்களுக்கு பேட்டி அளித்து வருகிறார். இந்நிலையில், வனிதா தன் மீது வைத்துள்ள விமர்சனங்களுக்கு பதில் கொடுத்துள்ளார்.
திருமணமாகி பெரிய மகள் இருக்கும் போது ராபர்ட்டுக்கு இது தேவையா? அசிங்கமாக இருக்கிறது என்றும் ரச்சிதா விவகாரம் தொடர்பில் விமர்சித்திருந்தார் வனிதா.
இதற்கு பதிலளித்துள்ள ராபர்ட் மாஸ்டர், ‘பிக்பாஸ் நிகழ்ச்சிக்கு போக வேண்டும் என்பது என் கனவு. அந்த வகையில் வனிதா மற்றும் சாண்டியிடம் பேசியிருக்கிறேன். இரண்டு முறை சென்று வந்தவர் என்பதால் வனிதாவிடம் பிக்பாஸ் வீடு பற்றி கேட்டேன். ஆனால் வனிதா தான் எனக்கு பிக்பாஸ் வாய்ப்பை வாங்கி கொடுத்தார் என்பது பொய். அதேபோல் என்னை விமர்சித்து வனிதா பேசுவது வேடிக்கையாக இருக்கிறது. வனிதா என்ன செய்தார் என்பது எல்லோருக்கும் தெரியும்’ என அவர் ஸ்டைலில் பதிலடி கொடுத்துள்ளார்.